Օրեր առաջ «Բեսթ լայֆ» ԲԿ-ի հիմնադիրների և «Ասահի» ընկերության նախագահ Միյատա Մասահիկոյի, փոխնախագահ Տամուրա Հիդեկիի, տարածաշրջանային մենեջեր Սուլեյման Ջաբրաիլովի հետ տեղի ունեցած հանդիպումը շատ բեղումնալից էր:

«Ասահի» ճապոնական ընկերությունը բժշկական սարքավորումներ և սպառազինության արտադրող համաշխարհային ամենամեծ ընկերություններից է: Այն տարիներ շարունակ հանդիսացել է «Բեսթ լայֆ» հայ-ճապոնական բժշկական կենտրոնի գործընկերը, և մեր համագործակցությունը ողջ ընթացքում ապացուցել է իր արդյունավետությունը:

Օրեր առաջ «Բեսթ լայֆ» ԲԿ-ի հիմնադիրների և «Ասահի» ընկերության նախագահ Միյատա Մասահիկոյի, փոխնախագահ Տամուրա Հիդեկիի, տարածաշրջանային մենեջեր Սուլեյման Ջաբրաիլովի հետ տեղի ունեցած հանդիպումը շատ բեղումնալից էր:

Հանդիպման ընթացքում ձեռք են բերվել պայմանավորվածություններ, որոնց համաձայն՝ «Բեսթ լայֆ» բժշկական կենտրոնը շուտով կհամալրվի նորագույն բժշկական սարքավորումներով: Բացի դրանից քննարկվել են ապագայի պլանները, որոնք վերաբերվում են ոչ միայն «Բեսթ լայֆ» ԲԿ-ի անձնակազմին, այլև առհասարակ Հայաստանի բոլոր ինվազիվ սրտաբաններին:

 Արժևորելով ինվազիվ սրտաբանության զարգացումը Հայաստանում` ուրախությամբ տեղեկացնում ենք, որ երկկողմանի համաձայնություն է ձեռք բերվել բժիշկների վերապատրաստման ուսուցողական ծրագրեր անցկացնելու մասին, որի շրջանակներում Ճապոնիայից հրավիրված մասնագետները կանցկացնեն մի շարք վիրահատություններ` փորձի փոխանակման համար: Բացի դրանից, Հայաստանում կանցկացվի ինվազիվ սրտաբանության միջազգային կոնգրես, որի նմանը ծավալային առումով դեռ չի եղել Հայաստանում և տարածաշրջանում: Կոնգրեսի ընթացքում Ասահի ընկերությունը կհանդիսանա գլխավոր հովանավոր: Այսպիսի կոնգրեսի անցկացումը կնպաստի կարևոր մասնագիտական կապերի ստեղծմանն ու ամրապնդմանը, որոնք էլ կդարձնեն նման ուսուցողական ծրագրերի անցկացումը շարունակական: